Interactive AAP Checklist

ဘေးဒဏ်သင့်ပြည်သူများအပေါ် တာဝန်ခံမှု (AAP)

Detailed Checklist

ဤChecklistသည် CHS, SPHERE, နှင့် IASC Framework များကို အခြေခံထားသည်။

0%

ဤ checklist ကို ဘယ်လိုသုံးကြမလဲ?

  • ဤ Form ကို အဖွဲ့အစည်းအတွင်းရှိ စီမံကိန်း မန်နေဂျာများ၊ MEAL ဝန်ထမ်းများနှင့် ကွင်းဆင်း ဝန်ထမ်းများ အားလုံး အသုံးပြုနိုင်ပါသည်။
  • ၎င်းကို အမှန်ခြစ်စရာ စာရင်းသက်သက် (tick-box exercise) အဖြစ် မဟုတ်ဘဲ မိမိတို့၏ AAP လုပ်ဆောင်မှုများတွင် မည်သည့်အရာများ လိုအပ်နေသေးသည်ကို အဖွဲ့လိုက် ဆွေးနွေးသုံးသပ်သည့် လမ်းညွှန် (Discussion Guide) အဖြစ် အဓိက အသုံးပြုပါ။
  • "မှတ်ချက်/လုပ်ဆောင်ရန်" ကော်လံတွင် တွေ့ရှိချက်များနှင့် နောက်ဆက်တွဲ လုပ်ဆောင်ရမည့်အရာများကို ရေးမှတ်ထားပါ။
  • အားလုံး ဖြည့်စွက်ပြီးပါက "ရလဒ်တွက်ချက်မည်" ကို နှိပ်၍ အကျဉ်းချုပ် ကြည့်ရှုနိုင်ပြီး "ပုံနှိပ်မည်" ကို နှိပ်၍ PDF အဖြစ် သိမ်းဆည်းနိုင်ပါသည်။

အပိုင်း (၁)။ ပြင်ဆင်မှု၊ ဒီဇိုင်းနှင့် လိုအပ်ချက် ဆန်းစစ်ခြင်း

အရေးပါပုံ။ ဤအဆင့်သည် AAP ၏ အခြေခံအုတ်မြစ် ဖြစ်သည်။ အကယ်၍ စီမံကိန်း ဒီဇိုင်းသည် လူထု၏ အမှန်တကယ် လိုအပ်ချက်၊ ဦးစားပေးမှုနှင့် ယဉ်ကျေးမှုဆိုင်ရာ အခြေအနေများနှင့် လွဲချော်နေပါက နောက်ပိုင်းအဆင့်များတွင် မည်မျှပင် ကြိုးစား တာဝန်ခံပါစေ ထိရောက်မှုရှိမည် မဟုတ်ပါ။

၁.၁ | လိုအပ်ချက် ဆန်းစစ်ခြင်း (Needs Assessment) တွင် ဘေးဒဏ်သင့် ရပ်ရွာအသိုင်းအဝိုင်းမှ အမျိုးသမီး၊ အမျိုးသား၊ ကလေး၊ မသန်စွမ်းသူများနှင့် သက်ကြီးရွယ်အိုများ၏ အမြင်များ တိုက်ရိုက်ပါဝင်မှု ရှိပါသလား။ (CHS 3.1)

၁.၂ | ဆန်းစစ်ရာတွင် ဒေသခံ ရပ်ရွာအသိုင်းအဝိုင်းအတွင်းရှိ သြဇာအာဏာရှိသူများ (Power dynamics) နှင့် ခေါင်းဆောင်မှု ဖွဲ့စည်းပုံကို နားလည်ပြီး အသံတိတ်နေသူများ (marginalized) ၏ အမြင်များကို သီးသန့်ရယူရန် ကြိုးပမ်းပါသလား။

၁.၃ | ဆန်းစစ်တွေ့ရှိချက်များကို ဘေးဒဏ်သင့်သူများထံ နားလည်လွယ်သော နည်းလမ်းဖြင့် ပြန်လည်မျှဝေပြီး ၎င်းတို့၏ သဘောတူညီမှု (validation) ရယူခဲ့ပါသလား။ (CHS 1.2, 4.3)

၁.၄ | စီမံကိန်း ဒီဇိုင်းသည် "ဘေးဥပဒ်မဖြစ်စေရေး" (Do No Harm) နှင့် SPHERE ၏ "ဂုဏ်သိက္ခာရှိစွာ အသက်ရှင်သန်ခွင့်" မူကို ထင်ဟပ်ပါသလား။ (ဥပမာ - ဘေးကင်းမှု၊ ယဉ်ကျေးမှုနှင့် လျော်ညီမှု) (SPHERE Foundation)

၁.၅ | အကူအညီ ရွေးချယ်သတ်မှတ်ခြင်း စံနှုန်းများ (Selection Criteria) ကို ရပ်ရွာအသိုင်းအဝိုင်းနှင့်အတူ ပွင့်လင်းမြင်သာစွာ ပူးပေါင်းသတ်မှတ်ခဲ့ပါသလား။ (CHS 3.2)

၁.၆ | အလိုအပ်ဆုံးနှင့် ထိခိုက်လွယ်အုပ်စုများ (ဥပမာ - သီးခြားကျန်နေသူများ၊ မသန်စွမ်းသူများ၊ တိုင်းရင်းသား ဘာသာစကား ပြောသူများ) အတွက် အတားအဆီးများကို ဖော်ထုတ်ပြီး ဖြေရှင်းမှုများ ထည့်သွင်းထားပါသလား။ (CHS 1.3, 3.4)

၁.၇ | စီမံကိန်း Actvities များ၊ အချိန်ဇယားနှင့် နေရာရွေးချယ်မှုများကို ဒီဇိုင်းဆွဲရာတွင် ရပ်ရွာအသိုင်းအဝိုင်း၏ (အထူးသဖြင့် အမျိုးသမီးများ၏) အကြံပြုချက်များ ထည့်သွင်းထားပါသလား။ (CHS 3.3)

၁.၈ | ဤဒေသတွင် ယခင်က ဆောင်ရွက်ခဲ့သော အကူအညီပေးရေး လုပ်ငန်းများအပေါ် ရပ်ရွာအသိုင်းအဝိုင်း၏ အတွေ့အကြုံ (Trust/Distrust) ကို နားလည်ရန် ကြိုးပမ်းခဲ့ပါသလား။

၁.၉ | စီမံကိန်းဒီဇိုင်းရေးဆွဲရာတွင် ဒေသတွင်းရှိ အခြားအဖွဲ့အစည်းများ၏ လုပ်ဆောင်မှုများနှင့် ထပ်မှုမရှိစေရန်နှင့် အကူအညီများ အားလုံးပြည့်စုံစေရန် (Coordinated & Complementary) ဘေးဒဏ်သင့်သူများ၏ အမြင်နှင့် အကြံပြုချက်များကို ရယူပါသလား။ (CHS 6)

၁.၁၀ | စီမံကိန်း ရေးဆွဲ/သုံးသပ်ရာတွင် ဒေသတွင်းရှိ အခြားအဖွဲ့အစည်းများ၏ AAP ဆောင်ရွက်မှုများ (ဥပမာ - ဘုံတိုင်ကြားမှု ယန္တရားများ၊ သတင်းအချက်အလက် မျှဝေမှုများ) နှင့် မည်သို့ ချိတ်ဆက် အသုံးပြုမည်ကို ထည့်သွင်း စဉ်းစားထားပါသလား။

အပိုင်း (၂)။ သတင်းအချက်အလက် မျှဝေခြင်း

အရေးပါပုံ။ သတင်းအချက်အလက် ပေးခြင်းသည် အကူအညီပေးခြင်း၏ အရေးကြီးဆုံး ကဏ္ဍတစ်ခု ဖြစ်သည်။ ဤသို့လုပ်ဆောင်ခြင်းသည် ဘေးဒဏ်သင့်သူများအား ၎င်းတို့၏ ဘဝအတွက် ဆုံးဖြတ်ချက်များ ချနိုင်ရန် ဝန်ဆောင်မှုများကို ရယူနိုင်ရန်နှင့် ၎င်းတို့၏ အခွင့်အရေးများကို သိရှိစေရန် "စွမ်းအားမြှင့်တင်ပေးခြင်း" (Empowerment) ဖြစ်သည်။

၂.၁ | ဘေးဒဏ်သင့်သူများသည် ကျွန်ုပ်တို့အဖွဲ့အစည်း (Organization) က မည်သူဖြစ်သည်၊ မည်သည့်ဝန်ဆောင်မှုများ ပေးသည်၊ မည်သည့်နေရာတွင် အခြေစိုက်သည်ကို ရှင်းလင်းစွာ သိရှိပါသလား။ (CHS 4.1)

၂.၂ | အကူအညီ (သို့မဟုတ်) ဝန်ဆောင်မှုများ ရရှိနိုင်မည့် နေရာ၊ အချိန်၊ နည်းလမ်းနှင့် အရည်အသွေး စံနှုန်းများကို ရှင်းလင်းစွာ ဆက်သွယ် ပြောကြားထားပါသလား။ (CHS 4.2)

၂.၃ | စီမံကိန်း၏ ခန့်မှန်း အချိန်ကာလ (Project Duration) နှင့် မည်သည့်အချိန်တွင် ပြီးဆုံးနိုင်ခြေရှိသည်ကို (မျှော်လင့်ချက်များ မလွန်ကဲစေရန်) မျှဝေထားပါသလား။

၂.၄ | သတင်းအချက်အလက်များကို လူတိုင်း နားလည်နိုင်သော ဘာသာစကား (ဒေသဘာသာစကား)၊ နည်းလမ်း (ပုံများ၊ နှုတ်ဖြင့်ပြောခြင်း၊ စာ၊ အသံဖိုင်) ဖြင့် မျှဝေပါသလား။ (CHS 4.5)

၂.၅ | စာမတတ်သူများ၊ အမြင်အာရုံ (သို့မဟုတ်) အကြားအာရုံ ချို့တဲ့သူများနှင့် သတင်းအချက်အလက်ရရှိရန် ခက်ခဲသူများအတွက် သီးသန့် နည်းလမ်းများ ထည့်သွင်း စဉ်းစားထားပါသလား။ (CHS 4.5)

၂.၆ | အဖွဲ့အစည်း၏ ဝန်ထမ်းများ လိုက်နာရမည့် ကျင့်ဝတ် (Code of Conduct) နှင့် PSEA (လိင်ပိုင်းဆိုင်ရာ ခေါင်းပုံဖြတ်မှုမှ ကာကွယ်ခြင်း) ဆိုင်ရာ အချက်အလက်များကို မျှဝေထားပါသလား။ (CHS 4.1, 7.3)

၂.၇ | အကူအညီ ရွေးချယ်ခြင်း စံနှုန်းများ (Selection Criteria) နှင့် ရွေးချယ်ခံရသူများ စာရင်းကို (သင့်လျော်ပါက) ပွင့်လင်းမြင်သာစွာ မျှဝေထားပါသလား။ (CHS 4.2)

၂.၈ | ဘေးဒဏ်သင့်သူများ၏ ကိုယ်ရေးအချက်အလက် (Data) များကို စုဆောင်းရာတွင် ၎င်းတို့၏ အချက်အလက်များကို မည်သို့ အသုံးပြုမည်၊ မည်သို့ လုံခြုံစွာ သိမ်းဆည်းမည်၊ မည်သူ့ကို မျှဝေမည် ဆိုသည်ကို ရှင်းလင်းစွာ အသိပေးပြီး အသိပေးသဘောတူညီချက် (Informed Consent) ရယူပါသလား။

၂.၉ | သတင်းအချက်အလက် မျှဝေပြီးနောက် ၎င်းတို့ အမှန်တကယ် နားလည်မှု ရှိ/မရှိ (Perception checking) ပြန်လည် စစ်ဆေးမေးမြန်းမှုများ ပြုလုပ်ပါသလား။

၂.၁၀ | ကျွန်ုပ်တို့၏ သတင်းအချက်အလက်များသည် အခြားအဖွဲ့အစည်းများ ပေးသော သတင်းများနှင့် ရှုပ်ထွေးမှု/ကွဲလွဲမှု မရှိစေရန် ညှိနှိုင်းထားပါသလား။ (ဥပမာ - ဘုံ ဝန်ဆောင်မှု လမ်းညွှန် 'Referral mapping' ကို အသုံးပြုခြင်း)

အပိုင်း (၃)။ ပူးပေါင်းပါဝင်ဆောင်ရွက်မှု

အရေးပါပုံ။ ပူးပေါင်းပါဝင်ဆောင်ရွက်မှုသည် ဘေးဒဏ်သင့်သူများကို "အကူအညီ လက်ခံသူများ" (Passive recipients) အဖြစ် သဘောထားခြင်းမှ သူတို့၏ ပြန်လည်ထူထောင်ရေးတွင် "တက်ကြွစွာ ပါဝင်သူများ" (Active partners) အဖြစ် အသိအမှတ်ပြုခြင်း ဖြစ်သည်။ အဓိပ္ပါယ်ရှိသော ပါဝင်မှု (Meaningful Participation) သည် စီမံကိန်း၏ Ownership ကို တိုးမြှင့်စေသည်။

၃.၁ | စီမံကိန်း အကောင်အထည်ဖော်နေစဉ်အတွင်း ပုံမှန်တွေ့ဆုံ ဆွေးနွေးမှုများ (ဥပမာ - ကော်မတီဖွဲ့စည်းခြင်း၊ ရပ်ရွာအသိုင်းအဝိုင်း အစည်းအဝေးများ) ရှိပါသလား။ (CHS 3.5)

၃.၂ | ထိခိုက်လွယ်အုပ်စုများ (အမျိုးသမီးများ၊ လူငယ်များ၊ မသန်စွမ်းသူများ) အတွက် ဘေးကင်းပြီး အတားအဆီး ကင်းသော (ဥပမာ - အစည်းအဝေး အချိန်၊ နေရာ) ပါဝင်နိုင်မည့် အခင်းအကျင်းများ ဖန်တီးပေးထားပါသလား။ (CHS 3.4)

၃.၃ | ၎င်းတို့၏ အကြံပြုချက်များနှင့် စိုးရိမ်ပူပန်မှုများကို စီမံကိန်း လှုပ်ရှားမှုများအား ပြောင်းလဲ၊ ညှိနှိုင်းရာတွင် အမှန်တကယ် ထည့်သွင်း အသုံးပြုပါသလား။ (CHS 3.6)

၃.၄ | အကူအညီပေးအပ်ခြင်း (Distribution) သို့မဟုတ် ဝန်ဆောင်မှုပေးခြင်း လုပ်ငန်းစဉ်များတွင် ရပ်ရွာအသိုင်းအဝိုင်း၏ ပါဝင်ကူညီမှု (ဥပမာ - စေတနာ့ဝန်ထမ်း၊ ကော်မတီ) ကို ရယူပါသလား။

၃.၅ | စီမံကိန်း စောင့်ကြည့်လေ့လာခြင်း (Monitoring) လုပ်ငန်းစဉ်များတွင် (ဥပမာ - စစ်တမ်းကောက်ခြင်း၊ ဆွေးနွေးခြင်း) ရပ်ရွာအသိုင်းအဝိုင်း၏ ပူးပေါင်းပါဝင်မှု ရှိပါသလား။ (CHS 3.1)

၃.၆ | လူထုကော်မတီများ သို့မဟုတ် စေတနာ့ဝန်ထမ်းများ၏ အချိန်နှင့် ကြိုးပမ်းအားထုတ်မှုအတွက် (ငွေကြေး မဟုတ်သော) အသိအမှတ်ပြုမှု (Recognition) သို့မဟုတ် ပံ့ပိုးမှုများ (ဥပမာ - ခရီးစရိတ်) ပေးအပ်ရန် စဉ်းစားပါသလား။

အပိုင်း (၄)။ တုံ့ပြန်မှုနှင့် တိုင်ကြားမှု ယန္တရား (FCM)

အရေးပါပုံ။ FCM သည် "နားထောင်ခြင်း" အတွက် အဓိက လမ်းကြောင်း ဖြစ်သည်။ ၎င်းသည် အဖွဲ့အစည်း၏ အမှားအယွင်းများကို ပြင်ဆင်ရန် မမျှော်မှန်းထားသော အန္တရာယ်များကို ဖော်ထုတ်ရန် (အထူးသဖြင့် PSEA) နှင့် စီမံကိန်း အရည်အသွေးကို မြှင့်တင်ရန်အတွက် အရေးကြီးဆုံး ကိရိယာ ဖြစ်သည်။

၄.၁ | Channels အနည်းဆုံး (၂) မျိုး သို့မဟုတ် (၃) မျိုး (ဥပမာ - ဖုန်းလိုင်း၊ တိုင်ကြားမှုပုံး၊ လူကိုယ်တိုင်၊ အီးမေးလ်) ရှိသော တိုင်ကြားမှု ယန္တရား (FCM) ရှိပါသလား။ (CHS 5.1)

၄.၂ | ဤယန္တရားများအကြောင်းကို ရပ်ရွာအသိုင်းအဝိုင်းက သိရှိပြီး မည်သို့ အသုံးပြုရမည်ကို နားလည်ပါသလား။ (CHS 5.2)

၄.၃ | ဤယန္တရားများသည် ဘေးကင်းမှု (တိုင်ကြားသူကို ကာကွယ်ခြင်း)၊ လျှို့ဝှက်မှု (Confidentiality) နှင့် ခွဲခြားဆက်ဆံမှု ကင်းမဲ့မှု (Non-discrimination) တို့ကို အာမခံပါသလား။ (CHS 5.3)

၄.၄ | အရေးကြီးသော (သို့မဟုတ်) ထိခိုက်မခံနိုင်သော တိုင်ကြားမှုများ (ဥပမာ - PSEA၊ လိမ်လည်မှု၊ ခြိမ်းခြောက်မှု) အတွက် သီးသန့် လျှို့ဝှက် ကိုင်တွယ်မည့် လမ်းကြောင်း (Referral Pathway) ရှိပါသလား။ (CHS 5.3, 7.3)

၄.၅ | တိုင်ကြားသူအား လက်ခံရရှိကြောင်း အကြောင်းပြန်ကြားခြင်းနှင့် ဖြေရှင်းမှု အခြေအနေကို အချိန်နှင့်တပြေးညီ အသိပေးခြင်းတို့အတွက် သတ်မှတ်ထားသော လုပ်ငန်းစဉ် (SOP) နှင့် အချိန်သတ်မှတ်ချက် (Timeline) ရှိပါသလား။ (CHS 5.4)

၄.၆ | တိုင်ကြားမှုများ (အထူးသဖြင့် အကြံပြုချက်များ) ကို စီမံကိန်း အရည်အသွေး မြှင့်တင်ရန်အတွက် စီမံခန့်ခွဲမှုအဆင့် (Management level) တွင် စနစ်တကျ ပြန်လည်သုံးသပ်ပါသလား။ (CHS 5.6)

၄.၇ | တိုင်ကြားသူသည် ဖြေရှင်းပေးမှုအပေါ် ကျေနပ်မှု ရှိ/မရှိ ပြန်လည် မေးမြန်းသည့် စနစ် (Satisfaction Survey) ရှိပါသလား။ (CHS 5.5)

၄.၈ | ဒေသတွင်းရှိ အဖွဲ့အစည်းများ စုပေါင်းထားသော တိုင်ကြားမှု ယန္တရား (Collective/Inter-agency FCM) ဖြစ်သည့် "ဝေမျှပါ Platform" နှင့် ချိတ်ဆက်ထားပြီး ရရှိလာသော တိုင်ကြားမှုများကို ညှိနှိုင်းဖြေရှင်းပါသလား။

၄.၉ | အခြားအဖွဲ့အစည်းများနှင့် သက်ဆိုင်သော တိုင်ကြားမှုများ (ကျွန်ုပ်တို့၏ စီမံကိန်းနှင့် မသက်ဆိုင်သော) လက်ခံရရှိပါက ၎င်းတို့ကို သက်ဆိုင်ရာသို့ ဘေးကင်းစွာ လွှဲပြောင်းပေးနိုင်မည့် (Inter-agency Referral) လုပ်ငန်းစဉ် ရှိပါသလား။

၄.၁၀ | FCM လမ်းကြောင်းများ (ဥပမာ - ဖုန်းနံပါတ်) အမှန်တကယ် အလုပ်လုပ်/မလုပ် ပုံမှန် စမ်းသပ်စစ်ဆေးမှုများ (Spot Checks) ပြုလုပ်ပါသလား။

အပိုင်း (၅)။ ဝန်ထမ်းများ၏ အရည်အချင်း၊ ကျင့်ဝတ်နှင့် ပံ့ပိုးမှု

အရေးပါပုံ။ ဝန်ထမ်းများနှင့် စေတနာ့ဝန်ထမ်းများသည် AAP ကို အမှန်တကယ် အကောင်အထည်ဖော်သူများ ဖြစ်ကြသည်။ ဝန်ထမ်းများ၏ သဘောထား၊ အပြုအမူနှင့် Soft skills တို့သည် ဘေးဒဏ်သင့်သူများ၏ ယုံကြည်မှုနှင့် ဂုဏ်သိက္ခာကို တိုက်ရိုက် သက်ရောက်မှု ရှိသည်။

၅.၁ | ဝန်ထမ်းများအားလုံး AAP ၏ အရေးပါမှု၊ CHS စံနှုန်းများနှင့် SPHERE ၏ အခြေခံမူများအကြောင်း သင်တန်း (Induction/Refresher) ပို့ချထားပါသလား။ (CHS 7.1)

၅.၂ | ဝန်ထမ်းတိုင်းသည် အဖွဲ့အစည်း၏ ကျင့်ဝတ် (Code of Conduct) နှင့် PSEA ပေါ်လစီကို ဖတ်ရှု၊ နားလည်ပြီး လက်မှတ်ရေးထိုးထားပါသလား။ (CHS 7.3)

၅.၃ | ဝန်ထမ်းများသည် ဘေးဒဏ်သင့်သူများနှင့် ဆက်ဆံရာတွင် လေးစားမှု၊ ဂုဏ်သိက္ခာကို အခြေခံပြီး စာနာစိတ်ဖြင့် (Empathy) ဆက်ဆံတတ်ပါသလား။ (CHS 7.2)

၅.၄ | ဝန်ထမ်းများသည် တိုင်ကြားမှုများကို (အထူးသဖြင့် PSEA ကဲ့သို့ အရေးကြီး တိုင်ကြားမှုများကို) မည်သို့ လက်ခံရယူရမည်၊ မည်သို့ လျှို့ဝှက်စွာ လွှဲပြောင်းပေးရမည်ကို ရှင်းလင်းစွာ သိရှိပါသလား။ (CHS 7.1)

၅.၅ | အဖွဲ့အစည်းအတွင်း AAP နှင့် သက်ဆိုင်သော Activities များ (ဥပမာ - ဆွေးနွေးပွဲများ၊ သတင်းဖြန့်ဝေခြင်း၊ FCM) အတွက် လုံလောက်သော ဘဏ္ဍာငွေ နှင့် လူအင်အား (Resources) ချထားပါသလား။ (CHS 8.1)

၅.၆ | ဝန်ထမ်းများ၏ လုပ်ငန်းတာဝန် သတ်မှတ်ချက် (Job Description) နှင့် လုပ်ဆောင်မှု သုံးသပ်ချက် (Performance Appraisal) တွင် AAP ဆိုင်ရာ တာဝန်များကို ထည့်သွင်းထားပါသလား။

၅.၇ | ဘေးဒဏ်သင့်သူများနှင့် တိုက်ရိုက်ဆက်ဆံရသော ဝန်ထမ်းများ (အထူးသဖြင့် FCM ကိုင်တွယ်သူများ) ၏ စိတ်ပိုင်းဆိုင်ရာ ဖိစီးမှု (Stress) များကို လျှော့ချရန်နှင့် ပံ့ပိုးရန် (Well-being support) စနစ်ရှိပါသလား။ (CHS 8.4)

အပိုင်း (၆)။ စောင့်ကြည့်စစ်ဆေးခြင်း၊ သုံးသပ်ခြင်းနှင့် သင်ယူမှု

အရေးပါပုံ။ AAP သည် တစ်ကြိမ်တည်း လုပ်ဆောင်ရုံမျှ မဟုတ်ဘဲ စဉ်ဆက်မပြတ် သင်ယူမှုနှင့် တိုးတက်မှု လိုအပ်သော လုပ်ငန်းစဉ် ဖြစ်သည်။ ဤအဆင့်သည် "Closing the Loop" ၏ အဓိက အပိုင်းဖြစ်ပြီး ရပ်ရွာအသိုင်းအဝိုင်းထံမှ ရရှိသော အကြံပြုချက်များကို အမှန်တကယ် အသုံးပြု၍ စီမံကိန်းကို ပြန်လည် ပြင်ဆင် ညှိနှိုင်းခြင်း (Adaptation) သည် တာဝန်ခံမှု၏ အမြင့်ဆုံး အဆင့် ဖြစ်သည်။

၆.၁ | AAP ဆိုင်ရာ အချက်အလက်များ (ဥပမာ - FCM မှ data များ၊ ကျေနပ်မှု စစ်တမ်းများ၊ အစည်းအဝေး မှတ်တမ်းများ) ကို ပုံမှန် စုဆောင်း၊ သုံးသပ်ပါသလား။ (CHS 9.1)

၆.၂ | စီမံကိန်း စောင့်ကြည့်စစ်ဆေးရာတွင် ပေးအပ်သည့် အကူအညီ/ဝန်ဆောင်မှု၏ အရည်အသွေး (Quality)၊ အချိန်မီမှု (Timeliness) နှင့် လုံလောက်မှု (Sufficiency) တို့နှင့်ပတ်သက်၍ ဘေးဒဏ်သင့်သူများ၏ အမြင်ကို ပုံမှန် စစ်ဆေးပါသလား။ (CHS 2.1, 2.2)

၆.၃ | စီမံကိန်း ပြီးဆုံးချိန် သုံးသပ်ခြင်း (Evaluation) တွင် ဘေးဒဏ်သင့်သူများ၏ အမြင် (Perception) နှင့် ကျေနပ်မှု (Satisfaction) ကို တိုင်းတာပါသလား။ (CHS 9.4)

၆.၄ | AAP လုပ်ငန်းစဉ်များမှ ရရှိသော သင်ခန်းစာများကို အဖွဲ့အစည်းအတွင်း မျှဝေပြီး နောင်လာမည့် စီမံကိန်းများ၏ ဒီဇိုင်းတွင် ထည့်သွင်း အသုံးပြုပါသလား။ (CHS 9.6)

၆.၅ | အဖွဲ့အစည်း၏ AAP ဆိုင်ရာ ဆောင်ရွက်မှု အခြေအနေများ (ဥပမာ - မည်သည့် တိုင်ကြားမှုများကို ဖြေရှင်းပြီးစီးမှု) ကို ဘေးဒဏ်သင့်သူများထံ ပွင့်လင်းမြင်သာစွာ ပြန်လည် အစီရင်ခံ (Report) ပါသလား။ (CHS 9.5)

၆.၆ | ရပ်ရွာအသိုင်းအဝိုင်း၏ အကြံပြုချက်များ သို့မဟုတ် တိုင်ကြားမှုများကို အကြောင်းအမျိုးမျိုးကြောင့် အကောင်အထည်ဖော် *မပေးနိုင်ခဲ့လျှင်* အဘယ်ကြောင့်ဖြစ်ကြောင်း ဘေးဒဏ်သင့်သူများထံ ရှင်းလင်းစွာ ပြန်လည် အသိပေး ရှင်းပြသည့် စနစ်ရှိပါသလား။ (CHS 9.5)

၆.၇ | စီမံကိန်း စောင့်ကြည့်စစ်ဆေးခြင်း (M&E) မှ ရရှိသော အဓိက တွေ့ရှိချက်များကို ရပ်ရွာအသိုင်းအဝိုင်းက နားလည်နိုင်သော နည်းလမ်းဖြင့် (ဥပမာ - အစည်းအဝေး၊ ပိုစတာ) ပြန်လည် မျှဝေပါသလား။

၆.၈ | စီမံကိန်း မပြီးဆုံးမီ (Project Exit) ရပ်ရွာအသိုင်းအဝိုင်းနှင့်အတူ ပြန်လည် သုံးသပ်သည့် အစည်းအဝေး ပြုလုပ်ပြီး အောင်မြင်မှုများနှင့် သင်ခန်းစာများကို အတူတကွ ဆွေးနွေးပါသလား။

၆.၉ | AAP ဆောင်ရွက်မှုမှ ရရှိသော သင်ခန်းစာများ၊ ရပ်ရွာအသိုင်းအဝိုင်း၏ အကြံပြုချက်များကို အခြားအဖွဲ့အစည်းများ၊ Cluster/Working Groups များနှင့် ပြန်လည် မျှဝေ၍ စုပေါင်း တိုးတက်မှု (Collective Improvement) အတွက် အသုံးပြုပါသလား။